Pura Rambut Siwi (Gusti Ayu Istri Sumadiasih)

     Pura Rambut Siwi magenah ring banjar Yeh Embang Kangin, desa Yeh Embang, kec. Mendoyo, kab. Jembrana. Pura Rambut Siwi kedadosang obyek wisata santukan :

1. Pura Rambut Siwi marupa genah suci umat Hindu ngaturang bakti nunas kerahayuan lan kerahajengan.

2. Palemahannyane sane asri. Wenten uma ring sisi kaja, wenten pasih ring sisi kelod, punika sane ngranayang akeh para janane melancaran ke Purane. Wenten sane maplalianan ombak ring pasih, main sepak bola, tur negak-negak ring pesisi pasihe ngantosang sanja, sambilang ngatonang suryane engseb ring sisi kauh.

3. Kabecikan purane sane dahat mautama pisan. Ring Pura Rambut Siwi akeh wenten pura, minakadi : Pura Beji/Pura Taman, Pura Penataran, Pura Melanting, Pura Goa Raja lan Pura Dalem Ped.

    Satunggil Budha Manis wuku Prangbakat, punika pinaka rahina piodalan ring Pura Rambut Siwi. Akeh pemedek saking krama desa ring Jembrana, rauhing para bakta ring dura Desa sajeroning Bali pingkalih dura Bali sami ngaturang bakti ke Pura Rambut Siwi.

    Pura Rambut Siwi punika wenten mawiwit saking sepengrauh Ida Dang Hyang Dwi Jendra ke Bali ngemargayang Tirtha Yatra ping kalih nglimbakang parindikan agama Hindu ring Bali rauhing Dura Bali.

    Pinaka cihna bakti krama Hindu ring Jembrana raris kewangun Pura Rambut Siwi. Kruna Rambut Siwi artos ipun : Nyungsung rambut Ida Dang Hyang Dwi Jendra. Punika mawinan kantos mangkin kewastanin Pura Rambut Siwi. 

    Ngiring para yowana ring sejebag jagad Bali, ngiring mangkin lestariang kewentenan pura rambut siwi punika pinaka cihna ngajegang patilasan leluhure nguni.